Swem

Die 110 000 L swembad is 'n wenner in Montagu se warm dae. Dit is net 1.4m diep om lekker speletjies te speel en ook omhein vir veiligheid!

Voer van plaasdiere

Die mak plaasdiere is altyd gereed vir iets om te eet en die ganse roep gou die ander nader as iemand 'n emmer in die hand het. Die mak donkies eet uit die kinders se hande!

Speelpark

In die speelpark is daar tans 'n sandput en bome. Daar word ook 'n pophuis, boomhuis en 'n wipplank beplan. Die heerlike hoë swaai is 'n treffer vir groot en klein.

Trekker ry

Ons eie trekker word soms ingespan vir 'n rit tussen die wingerde en vrugtebome. Om self te bestuur is 'n ondervinding wat diep spore trap.

Stap op Rietvlei

Die groot area tussen die wingerde, boorde, veld en koppies is oortrek met wildspaadjies en dis heerlik om daar te stap. 'n Paar padaanwysings en roetekaarte is beskikbaar.

Voëlkykroete

Die ryk voëllewe op Rietvlei is 'n plesier vir die beginner en ervare voëlkyker. 'n Voëlkyker roete, roetekaart, kleurfoto's van voëls wat hier op Rietvlei is, verskaf ure se genot vir die hele gesin.

Fietsry

Die oop ruimte en plaas paaie is 'n speelpark vir energieke kinders met hul fietse. Daar word ook tans 3 uitdagende bergfietsroetes beplan vir die ervare bergfietsryer sowel as die beginner.

Ontspan en braai

Die luilekker dae op Rietvlei dwing ons gaste om te ontspan en 'n vleisie te braai.

Sterre kyk

Die onbesoedelde hemelruim verseker sterrekykers van 'n ongelooflike sterrebeeld.

Quad Bikes

Verskeie interessante en uitdagende 'quadbike' roetes is vir die hele gesin asook die waaghalsige avonteruur gemaak! Kom geniet die "Donga Jump, Julian's Wall of Death, Summit Tumble, Leopard Crawl" en vele meer! Dagbesoekers is welkom!! (Quadbikes nie te huur nie - bring u eie saam)

Visvang

Die groot dam is 2km vanaf die plaaswerf en daar is Black Bass en Talapia om te vang. Dis heerlik om rustig te sit en kuier terwyl die visse gelok word om te byt!

Troues & Spesiale Funksies

Die ou skoolgebou op Rietvlei is die regte atmosfeer vir 'n plaastroue met die onthaal onder die bome of in 'n groot tent. Koördinering en spyseniering, is beskikbaar vir die wat sou belangstel.

Groot Groepe

Die 38 beddens op Rietvlei is ideaal vir groter groepe wat graag wil feesvier of vergadering hou.

Montagu en sy omgewing is propvol aktiwiteite vir elke lid van die familie. Die kuns- en historiese roetes is saamgestel om seker te maak dat ons kunstenaars en besienswaardighede nie gemis kan word nie.

Daar is ook 'n groot hoeveelheid staproetes, 4 x 4 roetes en bergfietsroetes in Montagu. Die wêreld bekende Montagu Trekkerrit is ± 45 km en perdry is 3km vanaf Rietvlei. Om dan ook nie eers van Montagu se warmwaterbron (15km) en begeleide 'quadbike' bergroetes (35km vanaf ons) naby Barrydale te praat nie!